Tirane-Nje aksident i rende rrugor ndodhi mbreme ne autostraden Tirane-Durres, nga i cili humben jeten dy persona dhe nje tjeter mbeti i plagosur. Ngjarja e rende ndodhi rreth ores 22.10, ne kilometrin e 6-te te autostrades, prane qendres tregtare Citypark.
Nje automjet taksi tip "Benz", eshte perplasur me kolonen e nje karburanti anes autostrades dhe per pasoje kane mbetur te vdekur ne vend dy pasagjeret e saj dhe eshte plagosur rende drejtuesi i taksise. Burime nga vendngjarja bene te ditur se perplasja ka qene teper e forte, aq sa taksia eshte ndare ne dy pjese.
Dy viktimat e ketij aksidenti te rende jane nje vajze 20-vjecare nga Kosova e quajtur Legjenda Sadiku dhe nje djale bashkemoshatar me te i paidentifikuar, ndersa shoferi i cili ka mbetur i plagosur Astrit Dac, eshte derguar me urgjence ne Spitalin Ushtarak te Tiranes, ne gjendje te rende per jeten. Forca te shumta policie kane shkuar ne vendngjarje, ndersa autoambulanca ka derguar dy viktimat ne morgun e spitalit per te kryer identifikimin e tyre. Per shkak te ketij aksidenti, per disa minuta eshte bllokuar qarkullimi ne autostraden Tirane-Durres, por me nderhyrjen e policise, eshte bere me pas e mundur levizja normale. Eksperte te policise rrugore kane nisur menjehere hetimet per kete aksident te rende, qe sipas te dhenave te para dyshohet se per t'iu shmangur ferkimit me nje automjet tjeter, taksia ka devijuar nga rruga dhe eshte perplasur me force per shkak te shpejtesise, me nje kolone betoni. (Kohajone)
0 Comments:
Post a Comment