Gjykata e rrethit te Korces ka vendosur dje te shperbleje me 400 mije leke familjen e 37-vjecarit Gazmend Tahirllari, nga fshati Goskove i rrethit te Korces, i cili humbi jeten nga dhuna e policise me 3 janar te vitit 2002. Vendimi ka lene te pakenaqur familjaret e viktimes, te cilet deklarojne se “shpenzimet e varrimit jane me te medha se vlera e caktuar nga gjykata per humbjen e nje njeriu”. Nderkohe, ata shprehen te pakenaqur edhe nga zvarritja prej pese vjetesh e procesit, ku si pale e paditur figuron Drejtoria e Policise se Qarkut te Korces.
Familja e Gazmend Tahirllarit ka filluar kalvarin e gjate ne dyert e gjykatave qe ne vitin 2002. Nga ajo kohe, ceshtja ka kaluar permes dyerve te Gjykates se Rrethit te Korces, Gjykates se Apelit te Korces, Gjykates se Larte ne Tirane, per te mberritur serish ne qytetin juglindor. Familjare te viktimes kane treguar dje, per “Koha Jone”, se ata kane kerkuar nje demshperblim prej 25 milione lekesh per humbjen e jetes se njeriut te tyre, para te cilat duhet t’i paguante policia e Korces, fajtore, sipas tyre, per dhunimin e 37-vjecarit deri ne humbjen e jetes. Familjaret thone se ekspertet ne proces percaktuan nje shume prej 7,5 milione lekesh, qe duhet te perfitonte familja e viktimes, por vendimi me i fundit u dha atyre 100 mije leke me pak se shpenzimet per funeralin e 37-vjecarit.
Vdekja e 37-vjecarit, nga fshati Goskove, ka qene nje nga rastet me te bujshme te ushtrimit te dhunes me pasoje vdekjen nga ana e policise. Ngjarja u be objekt i mediave per nje muaj me radhe. Interesimi i drejtperdrejte i Avokatit te Popullit beri qe Gazmend Tahirllari te zhvarrosej nje vit pas vdekjes, per t’u percaktuar me nje ekspertize te dyte mjeko-ligjore shkaqet e humbjes se jetes. Nga kjo ekspertize u provua se 37-vjecari vdiq nga goditjet prej toges se shoqerimit te policise. Togat e zeza ndeshkuan me vite te gjate burgimi autoret, por familjaret e viktimes pretendojne edhe demshperblim financiar.
Familja:“Vendim fyes, do apelojme”
Dy motra te viktimes Gazmend Tahirllari dhe nena e tij, Muhamere Tahirllari, qe tani jeton krejt e vetme, kane reaguar te indinjuara ndaj vendimit te gjykates per demshperblim ne vleren 400 mije leke. Naxhije Kello, motra e te ndjerit, qe eshte interesuar vazhdimisht per ecurine e procesit gjyqesor, thote se do ta apeloje vendimin qe e konsideron fyes per dinjitetin njerezor. “Te vleresosh me 400 mije leke jeten e nje njeriu eshte qesharake dhe ofenduese. Edhe punonjesit e agjencise kerkuan me shume per ta varrosur”. Ndersa motra tjeter, Pranvera Tahirllari, tregon se per te perballuar 5 vjet procese gjyqesore, familja eshte detyruar te hyje ne borxhe. “Nuk mund te llogaris se sa kemi harxhuar ne keto vite me avokate dhe shpenzime udhetimi”, thote Pranvera, sipas se ciles kostot e gjyqeve kane qene nje barre e rende financiare per familjen Tahirllari. Sipas saj, nena e te ndjerit tani jeton e vetme dhe vetem me te ardhura prej 5 mije leke ne muaj si pension nga i shoqi, qe i ka vdekur.
Halli tjeter:“Nuk shohim dot vogelushen”
Familja Tahirllari ka filluar edhe nje proces te ri gjyqesor me ish-bashkeshorten e Gazmendit, Mirelen, e cila ka marre vajzen e lindur nga martesa dhe ka shkuar te jetoje te prinderit e saj. “Kur vdiq Gazmendi, mbesa ishte 10-muajshe, ndersa tani eshte gjashte vjec, tregon Pranvera Tahirllari. Sipas nje vendimi gjyqesor, nenes sime i takonte ta mbante vogelushen dy dite ne muaj, por e ema nuk e le vajzen te takohet me gjyshen. Keshtu, kemi hapur nje proces te ri gjyqesor”. Serish ne dyert e gjykatave nena dhe motrat e Gazmend Tahirllarit, ndonese ne favor te tyre kane nje vendim gjyqesor, qe nuk ekzekutohet.
Zbardhja e krimit dhe ndeshkimi i fajtoreve
Per kete ngjarje te rende, u moren ne ndjekje penale 6 punonjes policie nga Komisariati i Korces, te cilet u denuan nga gjykata. Nje prej punonjesve te policise, Lorenc Balliu, i akuzuar si pergjegjesi kryesor per kete vdekje, u denua ne mungese me 16 vjet burg. Dy punonjes policie u denuan me nga 3 vjet burgim dhe 3 te tjere me nga 4 muaj heqje lirie per “moskallezim krimi”. Krahas arrestimit te ketyre punonjesve te policise ne ate kohe, ngjarja shkaktoi nje furtune te vertete edhe ne shkarkimin e drejtuesve te policise rajonale te Korces, te cilet u perpoqen te merrnin ne mbrojtje vartesit e tyre dhe te mohonin me kembengulje vdekjen nga dhuna te Gazmend Tahirllarit. (KohaJone)
0 Comments:
Post a Comment