Hapen muzete, falas per nje jave

Gati te gjithe muzete, galerite e artit dhe parqet arkeologjike nga jugu ne veri te vendit mund te vizitohen pa pagese nga data 21 deri ne 29 i ketij muaji. Gjate kesaj jave, keto institucione te historise, kultures dhe artit shqiptar do te qendrojne te hapura falas per vizitoret. Nisma e ndermarre nga Ministria e Turizmit, Kultures Rinise dhe Sporteve vjen ne kuader te javes se trashegimise kulturore, si edhe te dites Boterore te Turizmit, qe do te festohet diten e neserme. Te gjithe muzete me te rendesishem dhe parqet arkeologjike jane perfshire ne kete nisme, e cila tenton rritjen e shkalles se njohjes se tyre. Trashegimia kulturore dhe historike, krahas resurseve natyrore, eshte konsideruar si nje nder shtyllat ku eshte projektuar zhvillimi i qendrueshem i turizmit shqiptar.

Biletat e hyrjes pergjithesisht luhaten midis 200 deri 800 leke per person, ne varesi te kombesise, kuptohet qe te huajt paguajne me shume. Vetem disa muaj me pare, tarifat e hyrjes per parqet arkeologjike, me perjashtim te Butrintit, u 3-fishuan per vizitoret shqiptare. Nje gje e tille solli reagimin e drejtoreve te ketyre parqeve, te cilet jane te mendimit se nje politike e tille mund te sjelle braktisjen e parqeve nga turistet vendas.

Fjoraldi Zguro



Institucionet Kulturore Kombetare do te jene te hapura pa pagese per publikun:

-Muzeu Historik Kombetar, Tirane

-Galeria Kombetare e Arteve, Tirane

-Muzeu Historik i Artit Mesjetar, Korce

-Muzeu Historik "Gjergj Kastrioti Skenderbeu", Kruje

-Muzeu Etnografik, Kruje

-Vendvarrimi i Gjergj Kastriot Skenderbeut, Lezhe

-Muzeu Historik Kombetar "Onufri", Berat

-Parku Arkeologjik Kombetar i Finiqit, Sarande

-Parku Arkeologjik Kombetar i Amantias, Vlore

-Parku Arkeologjik Kombetar i Apolonise, Fier

-Parku Arkeologjik Kombetar i Shkodres

-Parku Arkeologjik Kombetar i Lezhes

-Parku Arkeologjik Kombetar i Antigonese, Gjirokaster

-Parku Arkeologjike Kombetar i Bylisit, Ballsh

-Parku Arkeologjik Kombetar i Butrintit, Sarande

-Fototeka Kombetare "Marubi", Shkoder

-Muzeu i Armeve ne Kalane e Gjirokastres

-Muzeu Etnografik, Gjirokaster

-Amfiteatri antik, Durres

-Muzeu i Pavaresise, Vlore

-Muzeu Historik, Vlore