Bullgaria do te ndihmoje vendin tone per te perparuar ne punimet e Korridorit te 8, Panevropian. Diten e djeshme, ministrat e Transporteve te Shqiperise, Sokol Olldashi, dhe ai i Bullgarise, Petar Mutafchiev, kane nenshkruar nje deklarate te perbashket, qe synon bashkepunimin mes dy vendeve ne realizimin e pershpejtuar te projekteve pergjate ketij korridori. Mes te tjerash, ministrat diskutuan rreth ndermarrjes se veprimeve aktive me institucionet financiare nderkombetare dhe investitoret per sigurimin e burimeve financiare dhe asistences teknike per zbatimin e projekteve kyce ne perfundimin e segmenteve, te munguara ne rrjetet hekurudhore pergjate Korridorit te 8.
Ministrat theksuan nevojen per bashkepunim ne mirembajtjen e infrastruktures se transporteve, nepermjet mbeshtetjes se sherbimeve te integruara te transportit, krijimin e nje klime te favorshme investimesh, nepermjet kuadrove rregullues, duke inkurajuar perfshirjen e sektorit privat dhe publik ne realizimin e projekteve te perbashketa rreth Korridorit 8. Po ashtu, u hodh ideja per shpeshtimin e kontakteve midis autoriteteve kompetente, duke perfshire edhe trajnimin e eksperteve shqiptare ne institutet bullgare, me qellim koordinimin dhe zbatimin me te mire te projekteve te perbashketa. Kontaktet me te shpeshta tentojne nje nderlidhje me te mire te rrjeteve hekurudhore, si edhe infrastrukturen portuale mes dy vendeve per Korridorin 8.
Ne perfundim te takimit u vendos ngritja e tre grupeve pune mbi ceshtjet e integrimit evropian, mbi transportin dhe mbi aktivitetin e porteve.
Korridori 8 lidh rajonin Adriatiko-Jonian me zonen ballkanike dhe vendet e Detit te Zi, si dhe me nje zone ne juglindje te Evropes. Ne profilin e transportit te Korridorit 8 eshte ndertuar nje sistem multimodal, i shtrire ne drejtimin lindje-perendim, qe perfshin porte, aeroporte, interporte, rruge hekurudhore, me nje gjatesi prej 1270 kilometrash dhe rruge automobilistike, ne nje gjatesi prej 960 kilometrash. Nenshkrimi i Memorandumit te Korridorit Panevropian 8 eshte bere ne Bari, me 9 shtator 2002, mes Greqise, ish-Jugosllavise, Bullgarise, Turqise, Shqiperise dhe Italise dhe pritet t’u jape nje impuls te ri marredhenieve te vendeve, ku kalon ky korridor. (Koha Jone)
0 Comments:
Post a Comment