Ne fund te vitit, qeveria do te miratoje nje fond ekstra prej 5 miliarde lekesh, ose rreth 60 milione dollare, qe do te shkojne per financimin e rruges se re Durres-Kukes. Lajmi eshte njoftuar nga Ministria e Finances, nderkohe qe sot akti normativ i pergatitur nga Bode do te marre edhe miratimin e qeverise dhe me pas do te kaloje ne parlament. Shuma ne fjale vjen si teprice nga mosperdorimi i fondeve buxhetore te programuara per disa investime qe nuk kane ecur sipas parashikimeve. Nderkohe qe punimet ne rrugen e re, Durres-Kukes nga kompania “Bechtel Enka” kane pasur ecuri me te mire se parashikimet, duke marre keshtu nje pjese te fondeve qe nuk kane mundur te realizohen ne projekte te tjera.
Pas shume debatesh dhe akuzash per abuzime, qeveria ka koston per rrugen Durres-Kukes. Kosto totale nuk do te jete me shume se 620 milione euro, ka deklaruar ministri i Transportit, Sokol Olldashi. Nga kjo shume, 520 milione euro kushton ndertimi i aksit Rreshen-Kalimash, ku eshte i perfshire edhe tuneli, dhe 100 milione euro te tjera nevojiten per pjesen tjeter te aksit. Keshtu, nje kilometer i ketij segmenti kushton me shume se 9 milione euro. Per realizimin e ketij aksi te percaktuar si prioritet nga qeveria “Berisha” ka pasur te dhena te ndryshme deri me tani, por fillimi i punes ne disa segmente dhe permbyllja e studimit te fizibilitetit per disa te tjere e ka bere koston konfuze dhe te paqarte. Aksi qe lidh portin e Durresit me kufirin kosovar deri ne Morine eshte 170 kilometra, ku 111 prej tyre do te jene rruge te reja, te ndertuara sipas standardeve qe realizohen autostradat (kater kalimshe). Investimi i shekullit ne infrastrukturen rrugore shqiptare po kalon mjaft peripeci, duke perfshire edhe nje proces hetimor nga prokuroria dhe nga nje tjeter hetim paralel qe po zhvillohet nga Kuvendi i Shqiperise. Per te mbeshtetur me financime kete projekt, qeveria ka marre nje kredi me kushte tregtare prej 270 milione eurosh nepermjet nje ankandi. Nderkohe qe 20 milione euro te tjera jane firmosur me Banken Islamike, po per kete rruge. Nga ana tjeter, tepricat buxhetore nga mosrealizimi i investimeve ne vijimesi do te perdoren per financimin e ketij aksi. Aktualisht po behen punime ne aksin Milot-Rubik-Rreshen, te realizuara nga Ministria e Mbrojtjes, si dhe ndodhet ne proces aksi Kalimash-Morine. Nderkohe, konsorciumi amerikano-turk, “Bechtel-Enka”, po punon per ndertimin e segmentit me te veshtire.
Kosto e rruges, loja me shifrat
Ndertimi i rruges se re Durres-Prishtine po kalon me debate te ashpra qe kane perfshire edhe prokurorine ne nje proces hetimi, per shkak te kostove te larta qe mbart projekti. Opozita ka perqendruar kete vit kritikat ndaj qeverise me se shumti ne menyren e tenderimit dhe financimin te rruges, duke bere akuza te ashpra per korrupsion. Nderkohe qe prokuroria ne hetim te kesaj ceshtjeje ka kerkuar heqjen e imunitetit te ministrit te Jashtem, Lulzim Basha, ish-minister Transporti ne periudhen kur u krye tenderi. Deri me tani ka pasur te dhena te ndryshme per shumen qe kushton ndertimi i kesaj rruge. Ekspertet e qeverise “Nano” deklaronin se ajo kushtonte 250-300 milione dollare, por si nje rruge me vetem dy kalime dhe nje tunel me vetem 2 korsi. Me pas, ne vitin 2006, Ministria e Transportit publikoi nje studim, sipas te cilit rruga Durres-Kukes do te kushtonte rreth 450 milione euro. Ndersa sipas percaktimeve me te fundit te eksperteve te Ministrise se Transporteve, kosto e rruges do te perfshije nje vlere te perafert me 620 milione euro. Financimet per perfundimin e ketij aksi po sigurohen nga buxheti i shtetit, nderkohe qe si perfundim teresor i saj paraqitet qershori i vitit 2009.
Viti 2007, teprica ne buxhet 128 milione euro
Buxhetit te shtetit i kane tepruar deri ne fillimin te nentorit nga mosrealizimi i shpenzimeve nje shume prej 15,4 miliarde leke ose 128 milione euro. Investimet me financim te brendshem jane realizuar ne masen 64,6 per qind me nje mosrealizim ne vlere 11,3 miliarde leke, nderkohe qe investimet me financime te huaja jane realizuar 59,3 per qind te parashikimit, ose me nje teprice 4,1 miliarde leke. Keshtu suficiti buxhetor aktualisht llogaritet 15,4 miliarde. Nga ana analiza e treguesve te buxhetit e kryer gjate muajit nentor, rezulton se ka nje kursim te ndjeshem te disa zerave te shpenzimeve, kryesisht si rezultat i kursimeve nga proceset e tenderimit apo mosrealizimin e investimeve ne disa projekte. Kursimi me i madh verehet ne shpenzimet per borxhin. Por, nga ana tjeter, ka nevoja per disa projekte investimesh qe kane ecur me shpejt se parashikimi, keshtu qe tepricat jane parashikuar te perdoren per keto projekte, te tilla si rruga Durres-Kukes. Po keshtu, nje pjese me madhe prej gati 4,5 miliarde lekesh do te akordohen ne formen e nje huaje per KESH-in, i cila do te perdoret per importin e energjise elektrike. Rreth 2,5 miliarde leke te tjera do te perdoren per te shpronesuar pronaret e tokave ku jane parashikuar te ndertohen rruge gjate vitit te ardhshem.
FMN, deputeteve: Permiresoni statistikat
Fondi Monetar Nderkombetar ka kerkuar mbeshtetjen e parlamentit per te permiresuar cilesine e statistikave ne vendin tone. Perfaqesuesja e FMN-se ne Tirane, Ann Margaret Westin mori pjese ne punimet e Komisionit parlamentar te Ekonomise dhe Financave, ku u diskutua mbi treguesit statistikore ne vendin tone. Pjesetar i Komisionit parlamentar te Ekonomise, deputeti i Partise Demokratike, Osman Metalla, tha se gjate takimit u diskutua mbi treguesit statistikore, si dhe mbi rritjen e bashkepunimit te Institutit te Statistikave dhe Kuvendit te Shqiperise. "Gjate ketij takimi u diskutua per marrjen e nismave ligjore per rritjen e besueshmerise se treguesve statistikore si dhe krijimin edhe te nje lobi parlamentar ne kete kuader", u shpreh Metalla. Sipas Metalles, perfaqesuesja e FMN-se, Westin, kerkoi angazhimin e perfaqesuesve te Parlamentit, ne menyre qe te rritet besueshmeria e treguesve statistikore, si dhe te rritet bashkepunimi edhe me Banken e Shqiperise.
5 miliarde leke, ose rreth 60 milione dollare, do te perdoren per financimin e rruges se re Durres-Kukes. Ne zerin investime rialokohen rreth 3 miliarde leke, nderkohe qe kesaj vlere i shtohen edhe 2 miliarde leke kursime nga shpenzimet korrente.
1,3 miliarde leke, ose rreth 15 milione dollare, do te shkojne per financimin e skemes se sigurimeve shoqerore, si likuidim i detyrimeve te prapambetura te ndermarrjeve publike ne masen 857 milione leke dhe detyrimet ndaj KESH me 450 milione leke.
2,6 miliarde leke, ose rreth 30 milione dollare, do te perdoren per shperblimin e pensionisteve me rastin e festave te fundvitit. Masa e shperblimit qe cdo pensionist pritet te marre ne dhjetediteshin e fundit te dhjetorit do te jete 5 mije leke per person.
4,5 miliarde leke, ose 53 milione dollare, do te jepen ne formen e nje huaje KESH per te perballuar nepermjet importit nevojat qe ka vendi per energji elektrike. Nje pjese e suficitit buxhetor eshte programuar per lehtesimin e krizes energjetike.
2,5 miliarde leke, ose rreth 30 milione dollare, jane programuar te vihen ne dispozicion te shpronesimeve. Procesi i shpronesimeve pritet te lehtesoje investimet publike te programuara per t’u realizuar gjate vitit qe vjen, kryesisht per rruget.
0 Comments:
Post a Comment