Gjakderdhje ne Ish-Republiken Jugosllave te Maqedonise, me viktima gjashte shqiptare dhe disa te tjere te plagosur. Ngjarja ndodhi dje, duke nisur nga oret e para te mengjesit, ne fshatin Brodec te Tetoves. Lajmi u konfirmua zyrtarisht dhe nga zedhenesi i Ministrise se Puneve te Brendshme te FYROM-it, Ivo Kotevski. Ai cilesoi se jane vrare "se paku gjashte pjesetare te forcave te armatosura”.
“Grupet e armatosura jane shperndare, ndersa forcat speciale te policise jane ne terren", - shtoi zedhenesi Kotevski, duke theksuar se asnje polic nuk mbeti i vdekur. “Te vraret numerohen ne radhet e civileve, te cilet nuk kane mundur dot te largohen, pasi fshatit i jane bllokuar hyrje-daljet pas aksionit te policise”, - thane burime okulare. Policia maqedonase vleresoi operacionin e saj si spastrim te zones se Tetoves. Ajo i cilesoi civilet e vrare, si anetare te bandave te armatosura. Por banoret pohuan, se ka viktima ne radhet e tyre.
Sulmi i policise nisi ne oren 05.00 ne fshatin Brodec, ne zonen e Malesise se Sharrit, ne veriperendim te Tetoves. “Aksioni u be ne kerkim te grupeve te armatosura, te udhehequra nga shqiptaret Lirim Jakupi, i njohur si “Nacisti” dhe Ramadan Shiti, qe te dy te persona te kerkuar per krime ne FYROM dhe te arratisur para pak muajsh nga burgu i Dubraves ne Kosove”, - deklaroi zyrtarisht policia vendase. Sipas saj, grupet ishin strehuar ne fshatrat Brodec, Veshalle dhe Vice.
Gjate aksionit jane perdorur helikoptere te forcave maqedonase. Sakaq, nje helikopter eshte rrezuar gjate perleshjeve dhe disa autoblinda te policise jane shkaterruar. Banoret shqiptare raportuan, se ka shtepi te djegura nga zjarri i forcave policore. Po ashtu, eshte rrezuar edhe minarja e xhamise se fshatit Brodec. Nderkohe, ne Shkup, policia maqedonase ka bastisur te pakten tre shtepi te shqiptareve dhe ka arrestuar disa persona per te cilet thuhet se kane qene ish-luftetare te Ushtrise Clirimtare Kombetare.
Ende nuk eshte e qarte se kush jane grupet e armatosura shqiptare, te cilat jane perleshur me forcat qeveritare maqedonase. Policia ka bllokuar hyrje-daljet nga Tetova per ne fshatrat e Malesise se Sharrit. Menjehere pas ngjarjes, Brukseli zyrtar ka kerkuar sqarime nga qeveria ne Shkup, lidhur me zhvillimet e sotme. Tensionimi i situates ne kete rajon filloi pas vrasjes se Xhavit Morines ne fshatin Oder te Tetoves, javen e kaluar. Vrasesit e Morines, nje nga te arratisurit e veres se kaluar nga burgu i Dubraves, ne Kosove, ende nuk dihen.
Duket se ne Maqedoni jane rikthyer tensionet e luftes se vitit 2001, ku mjaft fshatra shqiptare u dogjen ne betejen e grupeve shqiptare me forcat maqedonase. Kjo lufte shkaktoi mjaft viktima dhe gati e coi FYROM-in ne lufte civile. Lufta perfundoi me marreveshjen e paqes se Ohrit, qe u dha shqiptareve me shume nga te drejtat qe ata meritonin. ED.KU (KohaJone)
0 Comments:
Post a Comment