Vlore - Nje punonjes policie, nga qyteti i Vlores, humbi jeten dje ne nje aksident automobilistik, per shkak te shpejtesise tej normave te lejuara. Burime nga Drejtoria e Policise se Qarkut te Vlores thane dje se 30-vjecari Beniamin Sulejmani, efektiv i grupit te gatshem te policise se Vlores, humbi jeten ne rrugen e lagjes "24 Maji", te qytetit te Vlores, perballe me shkollen "Ibrahim Kushta".
Rreth ores 16:45 vetura tip "Benz", me targa VL 48 56 A, ka dale nga rruga dhe eshte perplasur me nje furgon te vjeter te parkuar ne ane te rruges. "Mercedesi" i 30-vjecarit eshte ngritur ne dy rrotat e krahut te shoferit. Presioni ka bere qe efektivi blu te dale nga baxhaja e makines, duke u perplasur ne toke. Demtimet e renda kane shkaktuar vdekjen e menjehershme te te riut, i cili eshte transportuar per ne spitalin rajonal te Vlores. Burime nga bluzat e bardha bejne te ditur se polici i grupit te gatshem ka mberritur pa jete ne spital. Nga hetimet e para ka rezultuar se shkak i aksidentit ka qene shpejtesia tej normave te lejuara, e cila ka bere qe viktima te humb kontrollin e vetures. (KohaJone)
0 Comments:
Post a Comment