“Ne burgjet e Greqise, gjen edhe helene”

Ne burgjet e Greqise mund te gjesh edhe shtetas helene. Keshtu ironizojne mediat greke lidhur me faktin se nje numer i madh personash, qe vuajne denime te ndryshme ne Greqi, jane te huaj, kryesisht emigrante. “Ethnos”, e perditshmja me e madhe greke, ne nje shkrim te posacem te diteve te fundit, ben nje panorame te gjere te sistemit denimvuajtes. Raporti evidenton se ne Greqi jetojne 1,5 milione te huaj me leje te rregullt qendrimi, nder te cilet jo me pak se 700 mije shqiptare. Shifrat tregojne se nje nder kater te burgosur eshte shqiptar.

Sipas te dhenave qe ka shfrytezuar “Ethnos”, nje nder njemije persona qe jetojne ne Greqi, aktualisht ndodhet ne burg. “Pra ne total jane rreth 11 mije persona te burgosur, gjysma e te cileve te huaj dhe nje nder kater eshte shqiptar”, citohet nga gazeta.

Shifrat e sakta te “Ethnos”, te marra nga Ministria greke e Drejtesise, flasin per 2700 shqiptare te burgosur ne Greqi. Pjesa me e madhe e ketyre, ndodhen ne “Koridhalos”, burgu me i madh dhe me masa me te larta sigurie ne vendin fqinje. Nderkaq, 6 ne 100 mije greke “shijojne” aktualisht burgun, por 35 te tjere jane te huaj dhe ne keta, 17 jane shqiptare. Kurse per cdo 100 mije shqiptare qe jetojne ne Greqi, 38 prej tyre e kapercejne pragun e biruces te pakten nje here ne Greqi. Nderkohe, shifra te tjera interesante evidentohen ne investigimin e kryer. Keshtu, te pakten dy persona hyjne ne qelite greke cdo dite, por nje prej tyre eshte patjeter i huaj dhe ne kete rast, 25 per qind jane shqiptare.

Denimet, raport i zhdrejte

Nje problem me vete qe pranohet dhe nga media greke, eshte fakti se te huajt marrin me shume denime dhe me kohezgjatje me te madhe nga helenet. Keshtu, nese nder 11 mije te burgosur, vetem pesemije jane greke. Kurse afro gjashtemije jane te huaj dhe nder ta, 2 700 shqiptare. Ketu del argumenti se me shume krime kryejne te huajt. Kurse lidhur me faktin se te huajt kane denime me te renda, pohohet se kjo vjen pasi shkalla e vepres penale te konsumuar, rezulton me e larte. Denimet nga gjoba deri ne pese vjet heqje lirie, jane konsumuar me shume nga greket. Kurse denimet me dhjete vjet e siper, dominohen nga te huajt. Ne rastin e denimeve kapitale, del se si greket dhe te huajt jane ne raport te barabarte. (KohaJone)