Abuzimet e naftes, 4 ish-drejtore ne pranga

Abuzimet perfshijne edhe ndermarrjet e naftes ne qarkun e Fierit, duke finalizuar operacionin e koduar, “Duart e pastra 3”. Kater ish-drejtore apo funksionare ne keto sektore perfunduan oret e para te mengjesit te djeshem ne prangat e agjenteve te policise se Fierit, te drejtuar nga oficere te Krimit te Organizuar e Prokurorise, ndersa dy te tjere u shpallen ne kerkim, po per vepren penale te abuzimit e shperdorimit te detyres.

Ndermarrjet e naftes, “Albpetrol”, “Armo”, “Servcom” dhe “Rera Bituminoze” kane kaluar ne duart e hetuesve per kater muaj me radhe, nderkohe qe Prokuroria e Pergjithshme kishte dhene urdhrin per arrestimet e policise me vendimin e Gjykates se Fierit. Operacioni ka nisur pak pas mesnate, i paralajmeruar edhe nga gazeta “Koha Jone”, ne numrin e djeshem. Agim Neza, zedhenes i Prokurorise se Pergjithshme, konfirmoi dje per “Koha Jone”, emrat e te arrestuarve. Ata jane Fatos Nika, 58 vjeç, drejtor i “Albpetrol”, ne vitin 2005, Olmi Deraj, 57 vjeç, ish-drejtues ne “Albpetrol”, Agim Asllanaj, 55 vjeç, drejtor i “Nafta Impeks”, Patos, “Servcom”, ne 2005, Llambi Buçka, 56 vjeç, ish-drejtor i ndermarrjes “Rera-Bituminoze” ne 2005, aktualisht inxhinier. Sipas hetuesve, shkak eshte bere nje kontroll i dokumentacionit nga Kontrolli i Larte i Shtetit dhe Ministria e Ekonomise, ku jane gjetur shkelje ne ndertimin e Unazes se Fierit, pasi kane munguar projekti, leja e ndertimit dhe dokumentacione te tjera gjate procedurave, te zhvilluara dy vjet me pare.

Rreth ores 00.30 te mengjesit te djeshem, uniformat blu te policise se Fierit kane zbarkuar ne tre prej lagjeve, duke trokitur ne dyert e tre ish-drejtuesve te ndermarrjeve te naftes, Olmi Deraj, Agim Asllanaj e Llambi Buçka. Nderkohe qe, homologet e Tiranes kishin kapur ish-drejtorin e “Albpetrol”, Fatos Nika duke e derguar ne qytetin myzeqar per hetime te tjera. Por nuk ka rezultuar i suksesshem operacioni per kapjen e dy ish-drejtuesve te tjere, Gezim Osmanaj e Bashkim Avdulaj, ky i larguar ne SHBA disa muaj me pare, si fitues i Lotarise Amerikane, pasi nuk jane gjetur ne banesa. Ish-drejtuesit e “Armo” akuzohen per 30 procedura, te kryera me shkelje te renda tenderimi ne shoqeri. Burime zyrtare nga policia thane per gazeten “Koha Jone” se, “hetimet kane nisur kater muaj me pare pas nje kontrolli ne Ministrine e Ekonomise”. Prokuroria e Fierit i kishte marre ne cilesine e personave, qe duhet te jepnin shpjegime, zyrtare, te dyshuar edhe me pare, derisa Gjykata ka leshuar urdhrin e ndalimit diten e djeshme, me vendim numer 344, “arrest me burg”.

Burime nga organi i akuzes shpjeguan per gazeten “Koha Jone” se, ishin prere gjashte flete-arresti per zyrtare te dyshuar. Ne kerkim jane shpallur, Gezim Osmani dhe Bashkim Avdulaj, qe akuzohen per vepren penale te “vjedhjes me shperdorim detyre”, “shperdorim te detyres”, “falsifikim te dokumenteve”. Mesohet se shkeljet jane kapur, si nga Kontrolli i Larte i Shtetit, ashtu edhe nga kreret aktuale ne ndermarrjeve. Burime policore thane se Avdulaj, prej disa muajsh, eshte larguar ne SHBA, pasi ka qene fitues i Lotarise Amerikane, ndersa Osmani nuk dihet se ku eshte fshehur.

KLSH zbuloi morine e shkeljeve

Nga hetimet e kryera dhe verifikimet e dokumentacioneve ka rezultuar se gjashte te akuzuarit, gjate kohes qe kane pasur detyra funksionale, kane abuzuar ne tender. Shkaku kryesor i arrestimit jane bere shkeljet, e zbuluara nga Kontrolli i Larte i Shtetit, ne keto ndermarrje dhe disa kontrolle ne Ministrine e Ekonomise. Me pas zyrtaret jane larguar nga detyrat, ndersa prej kater muajsh gjendeshin ne hetim per keto abuzime. Mesohet se nje nga abuzimet eshte dhe ndertimi i nje rruge ne Marinez gjate kohes se fushates elektorale ne vitin 2005, pasi nuk eshte paguar asnje lek per reren bituminoze, te perdorur per shtrimin e rruges.

Familjaret kerkojne shpjegime

Familjare dhe te aferm te te ndaluarve kane qendruar per ore te tera para godines se Drejtorise se Policise Fier gjate dites se djeshme. Te irrituar ata kane kerkuar shpjegime nga drejtues te policise, por nuk kane marre asnje pergjigje zyrtare. Avokatet e te shoqeruarve ne polici jane lejuar, qe te kontaktojne me klientet, ndersa prokuroria ka komunikuar arsyet e ndalimit. Djali i ish-drejtorit te kompanise se naftes “Albpetrol”, Fatos Nikes, eshte paraqitur ne polici, ku ka futur edhe tesha per te atin, duke thene se shume shpejt babai do te dilte, pasi nuk kishte kryer asnje lloj shkeljeje ligjore. Ai e ka konsideruar nje loje politike te pushtetit aktual.