Tirane - Ne rrezik procesi gjyqesor i dy te akuzuarve si krere te organizates se njohur me emrin "Banda e Lushnjes". Njoftimi i Alfred Shkurtit (Aldo Bare) dhe Enver Dondollakut ende nuk eshte kryer nga drejtesia e dy vendeve perkatese, ku gjenden te arrestuar, Turqia dhe Italia.
Megjithese njoftimi per hapjen e procesit gjyqesor ne mungese eshte kryer prej shume ditesh, drejtesia e dy vendeve nuk ka percjelle ende pergjigjen nese i kane vene ne dijeni te pandehurit.
Por, nje nga shkaqet e tjera eshte bere dhe moscaktimi i nje avokati per Aldo Baren. Burime zyrtare saktesuan se shkak i shtyrjeve te seancave eshte bere mungesa e pergjigjes dhe e avokatit. Sipas perfaqesuesve te drejtesise, mungesa e nje pergjigjeje per njoftimin e Dondollakut dhe te Bares rrezikon te mbaje peng seancat gjyqesore, qe do te zhvillohen kunder tyre.
Nderkohe qe mesohet se Enver Dondollaku ka kontaktuar vete me avokatin mbrojtes, i cili do ta mbroje ne seancat gjyqesore. Shqetesimin per seancat gjyqesore e ka shprehur edhe vete kreu i Gjykates se Krimeve te Renda, Sander Simoni. Dje, kreu i gjykates eshte shprehur per gazeten "Koha Jone" se jane ne pritje te leter-porosise nga ana e vendeve fqinje per njoftimin e tyre, qe pritet te mberrije ne fillim te muajit te ardhshem.
Ndersa per menyren se si do zhvillohen seancat, Simoni tha se "do te respektojme vetem deshiren e dy te pandehurve, nese pranojne ose jo te gjykohen ne mungese".
0 Comments:
Post a Comment