Kampionati shqiptar i futbollit vazhdon të ketë rënie në renditjen botërore të ligave më kompetitive dhe të forta në botë. Superliga shqiptare për momentin renditet në vendin e 61-të në botë. Teksa vendin e parë vazhdon ta mbajë ende Primera Division në Spanjë.
Lajmi është bërë i ditur nga Federata Internacionale e Futbollit Histori dhe Statistika. Kjo e fundit ka përzgjedhur 90 kampionatet më të rëndësishme në botë dhe duke u bazuar në një sërë kriteresh ka bërë edhe klasifikimin e përgjithshëm. Kriteri kryesor është lufta për titull e skuadrave. Kompetiviteti mes Barcelonës dhe Real Madridit deri në sekondat e fundit të kampionatit spanjoll ka bërë që Primera Division të jetë në vend të parë. Sikurse supermacia e padiskutueshme e disa skuadrave në kampionate si, ai kroat, ku Dinamo e Zagrebit doli kampion gjashtë javë para fundit, ose ai austriak, ku Salzburgu doli kampion pesë javë para fundit, kanë lënë në vendet e fundit liga si ajo kroate dhe austriake. Pra, nuk është se skuadrat shqiptare janë më të forta se ato kroate dhe austriake, por se në këto kampionate skuadra kampione dihet që në javët e para të kampionatit.
Superliga shqiptare në këtë klasifikim ka arritur të marrë 137 pikë, duke lënë pas superligën zvicerane dhe armene, të cilat kanë marrë 136 pikë. Kriter tjetër është edhe tek numri i futbollistëve nga këto kampionate që luajnë me skuadra kombëtare. Kështu, vetëm në kombëtaren shqiptare gjatë këtij viti trajneri Oto Bariç ka grumbulluar shpesh herë më shumë se dhjetë futbollistë nga kampionati shqiptar. Ndërkohë që edhe disa prej të huajve (sidomos futbollistët afrikanë) kanë qenë përzgjedhur nga përfaqësueset përkatëse, ndonëse këta të fundit numërohen me gishta (Abraham, Abanda, Sasha Delain etj). Për t'u theksuar në këtë renditje është zbritja në vend të gjashtë në Serie A. Duke qenë se Interi nuk njohu kundërshtarë këtë sezon, kampionati italian ka njohur një rënie në kompetivitetin e skuadrave.
Klasifikimi
1. Spanja, 602 pikë
2. Brazili, 568 pikë
3. Anglia, 550 pikë
4. Argjentina, 548 pikë
5. Meksika, 486 pikë
6. Italia, 479 pikë
7. Franca, 386 pikë
8. Kolumbia, 364 pikë
9. Gjermania, 361 pikë
10. Kili, 342 pikë
11. Paraguai, 324 pikë
12. Uruguai, 310 pikë
13. Portugalia, 308 pikë
14. Holanda, 290 pikë
15. Tunizia, 270 pikë
16. Turqia, 260 pikë
17. Egjipti, 258 pikë
18. Belgjika, 256 pikë
19. Peruja, 245 pikë
20. Skocia, 237 pikë
21. Libani, 235 pikë
22. Algjeria, 228 pikë
23. Greqia, 221 pikë
24. Kameruni, 215 pikë
25. Rusia, 213 pikë
26. Nigeria, 211 pikë
27. Afrika Jugut, 205 pikë
28. Japonia, 203 pikë
29. Siria, 201 pikë
30. Rumania, 196 pikë
31. Irani, 195 pikë
32. Singapori 190 pikë
33. Ukraina, 190 pikë
34. Jordania, 189 pikë
35. Izraeli, 187 pikë
36. Ekuadori, 185 pikë
37. Bolivia, 182 pikë
38. Maroku, 182 pikë
39. Uzbekistani, 180 pikë
40. Arabia Saudite, 179 pikë
41. Emiratet e Bashkuara, 177 pikë
42. Bahrein, 171 pikë
43. Omani, 170 pikë
44. Malajzia, 167 pikë
45. Venezuela, 167 pikë
46. Bregu i Fildishtë, 163 pikë
47. India, 163 pikë
48. Çekia, 162 pikë
49. Hong Kongu, 157 pikë
50. Korea Jugut, 156 pikë
51. Estonia, 153 pikë
52. Irlandë e Veriut, 152 pikë
53. Angola, 151 pikë
54. Zambia, 147 pikë
55. Qatari, 146 pikë
56. Jemeni, 144 pikë
57. Kina, 142 pikë
58. Kuvajt, 141 pikë
59. Kosta-Rika, 139 pikë
60. Zimbabve, 139 pikë
61. Shqipëria, 137 pikë
62. Zvicra, 137 pikë
63. Armenia, 136 pikë
63. Serbia, 136 pikë
65. Gjeorgjia, 131 pikë
66. Bullgaria, 130 pikë
67. Polonia, 130 pikë
68. Indonezia, 126 pikë
69. Senegali, 125 pikë
70. Danimarka, 125 pikë
71. Honduras, 125 pikë
72. Bjellorusia, 124 pikë
73. Maqedonia, 124 pikë
74. Austria, 123 pikë
75. Sllovakia, 121 pikë
76. Sudani, 120 pikë
77. Vietnami, 119 pikë
78. Panama, 118 pikë
79. Gana, 117 pikë
80. Guatemala, 117 pikë
81. Letonia, 117 pikë
82. Kroacia, 116 pikë
83. Hungaria, 116 pikë
84. USA, 115 pikë
85. Tailanda, 114 pikë
86. Salvador, 111 pikë
87. Sllovenia, 110 pikë
88. Australia, 106 pikë
89. Irlanda, 105 pikë
90. Moldavia, 104 pikë
(albania-sport)
Kthehu Mbrapa
0 Comments:
Post a Comment