Situata ne tregtine jashtme ka pesuar nje permiresim te ndjeshem gjate muajit janar te ketij viti ne krahasim me janarin e 2009. Ne publikim te treguesve te tregtise se jashtme per janarin Instituti i Statistikes (INSTAT) konstatoi se, per shkak te rritjes se eksporteve me rreth 44 per qind, deficiti tregtar ka shenuar nje ulje prej 38.3%. Keshtu sipas te dhenave ne muajin janar 2010 u eksportuan 9,6 miliarde leke mallra, me ulje 3 per qind ne krahasim me dhjetor 2009 dhe rritje me 44 per qind ne krahasim me Janar 2009.
Gjate kesaj periudhe, u importuan 30 miliarde leke mallra me ulje 30.3 per qind ne krahasim me dhjetor 2009 dhe rritje 8.1 per qind ne krahasim me janar 2009. Deficiti tregtar i ketij muaji eshte 20,5 miliarde leke, duke shenuar nje ulje prej 38.3 per qind krahasuar me muajin paraardhes dhe nje ulje prej 3.1 per qind krahasuar me Janar 2009. Tregtia me vendet e Bashkimit Evropian eshte 64.5 per qind. Partneret kryesore tregtare vazhdojne te jene Italia dhe Greqia.
Me Italine eksporti eshte 56.1 per qind dhe importi 24.1 per qind, kurse me Greqine, eksporti eshte 5.6 per qind dhe importi 16 per qind. Ne krahasim me dhjetorin eksporti i grupit “Produkte kimike dhe plastike” u rrit 17.9 per qind, “Makineri, pajisje dhe pjese kembimi”u rrit 11.5 per qind, “Tekstile dhe kepuce” u rrit 5.6 per qind, etj. importi i grupit “Makineri, pajisje dhe pjese kembimi” u ul 38.1 per qind, “Minerale, lende djegese, energji elektrike” u ul 34.2 per qind, “Prodhime druri dhe letre” u ul 30.8 per qind, etj.
Ne janar 2010, importi i mallrave me akcize arriti vleren 3,4 miliarde leke, duke zene 11.2 per qind ndaj totalit te importit. Krahasuar me dhjetor 2009, importi i mallrave me akcize ka patur ulje prej 13.5 per qind. Peshen me te madhe te ketyre mallrave te importuara e zene nenproduktet e naftes (66.8 per qind). Ne deklaratat e meparshme per qendrueshmerine e ekonomise shqiptare Fondi Monetar Nderkombetar ka vleresuar se, Shqiperia duhet te rrise eksportet, qe te arrije qellimet e rritjes ekonomike.
Sipas Fondit, rritja e eksporteve, eshte me e rendesishme se te ardhurat e emigranteve dhe ndertimi. Nese analizojme Shqiperine, duhet te gjeje burime te reja per rritjen ekonomike dhe eshte shume e qarte, se burimet e reja mund te vijne vetem nga eksportet, ka vleresuar FMN. Sic po deshmohet tashme, Shqiperia nuk do kete mundesi te mbeshtetet ne te njejta burime si ne te kaluaren, nuk mund te kete me te njejtat burime financimi, ku ne financimin e ekonomise kane dominuar te ardhurat nga emigracioni dhe bumi ne sektorin e ndertimit. (Blerina Hoxha - Kohajone)
0 Comments:
Post a Comment