Albanian Times: Futboll - "Reali prezanton Shusterin si trajner të ri"

Gjermani Bernd Shuster që nga sot edhe zyrtarisht është trajner i ri i Realit të Madridit.

"Klubi mbretëror" ka bërë të ditur se gjatë ditës së sotme do të mbahet një konferencë me gazetarë, në të cilën do të promovohet pasardhësi i Fabio Kapellos.

Bernd Shuster, i cili gjatë karrierës si futbollist ka luajtur për Realin, por edhe për Barcelonën dhe Atletiko Madridin, do të jetë trajneri i tetë i "klubit mbretëror" në katër vitet e fundit.